ዕግሎ ሰልፉኽ ሆደ ሙርቛ ብሊን |
Monday, 27 October 2008 16:10 | |||
10.12.2009 ዕግሎ ሰልፉኽ ሆደ ሙርቛ ብሊን ወክትሪ ሽማግለ ሙርቛ ብሊን ንር’ለመለምሲ ሰምዕድሮር ደንቢ ንሰልፉኽ ዕግሎ’ትል ግርጋ 10.12.2009 ቱዉሮ ንርለመለም ደርፍፍሲ ቛለኹድ ጠፍሕድሮ ዓዉተሲ ፊቲ፣ ይናሻን ብሊን ናዉ ህንበናዅልክ ሲዅር ናንድ ኣኽጊ ኒመምባዕልድ ሰልፍድ ሓበሬታ ኣርድኖ ና’ናይ’ግን ንዳግሊ’ኻ እን ሐበረተስ ኣርኡኑ ጮጨየዉ በኸት ኣርግኒን ክም ካበት ቛልቲ ሆደ ሙርቛ ብሊን ንርክድመት’ሲ ሰለጥድቶ’ኽር ጠፍሕቶ’ኸር ጀረብደዉላ እራኵ’ሲ ወክት ድርናኹል ና’ኣደራ ኣኽቶ ክም’ክምረት ቛልቲ፣ ይና ጨርልድ ኣኽኒ ይና ሸዓብልድ እንተረዉ ኵድናዲ ፈሃም በኪት’ዲት ከለብርዶ ንርድ ነፍዓ ደርብል እርግስቶ ክም ክምረት ቛልቲ፣ ነስ እንኩልዶ’ኻ ላ’ኣመራ (1 ኣመራ) ነበክል ዲባ ሆደሩዅ (ጉባኤ) ሽጝቶ ክም ክምረት ቛልቲ፣ ወንቀራ ናይ’ዩዲ ፍትሑ’ዲ ሕሽመት ከወዉ’ዲ ኣርትርያር ሕርየት ደንቢ እን እርጋ ደርብ ለመለምኹድ ናን’ኽር ዓዉቲትሮ’ግን ይስታዅ ራኣይ ዋነን ከንቱትል ኩወክት ዲኢስና ኣኾ ቛልስተኩና፣ ይና ላዉ ሸንገብ ህንበዉ ጨገማት ወክት እወገዉ ኣኽንነዲን እሽሻኹድ እንክኖሎም ጀረብናኽር ኣክነን ላሪዲ ልዉታ እንግረሪ ፍሪር ሸኽንኹን ንሪ’ኻ ሙርቕ ደርብድ ጨርናር እስረ እና ህንባ ኣባይ’ሲ ኒ’ኣካንልድ ማልና’ግን፣ ኒን ኣኽነዲን ኮዶ ይን እና’ደርብ ኒስ ፍሪርኖ ህንብነኩን፣ እና ደኰዉ ሽካ ሰዅታ አመታተል (18) ሸዓብ ኤርተርይዉ ናዅርክ ኩሱሰን ኮዶ ሙርቛ ብሊን ላ’ቂር እና ሜሪ ኒን ሰየምሶ ኪሰሪ ከ ኣርላ፣ ኒን ኮዶ ይና ሸዓብ ና’በኽት ጂብነዲን እን’ላገፍዳ ኢሰያስ አፈወርቒ ሰየምስነዲን እን’ላገፍድ ኮዶ እን ኒ’ድድ (ተቃዉሞ ኣንጻር) ሲመርሊ ጋእይግኒ ቂጦታተል ለመለም’ዲ ብራ ክሰክ ሺባ ፋሕ’ዲ እኺሪር ኣትሓዋንዲትል ጉንነዲን ይና ሸዓብ ና’ንግስቲ ክርደ ላኽሊሰና አደርፈታሕ ዳድኹ፣ ናወክት’ኒል ኮዶ ይን ይና’ናንዲ ይና’ሉክ’ዲ እሽሽብኖ ይና’ዕልል’ዲ ይና’እንቁቁዉ’ዲት ኣበድኖ ይና’ፊኹት ሃበለና፣ ይን ብሊን አን ጭጉማን ይነሻን ሸዓብ ኤርትሪዉዲ ኣኽኖ ቂልስንኹን ይግኒ ይና’በለድ ሐረርስቶ ለመለም ይነን’ኽር እና ንኪ ይነበለድሲ ሲኦል’ሊ ለወቶላ ሃባዅ ባራዅ ኢሰያስ አፈወርቂ ላዅ ለጛ ኒ’ፍሪረዉድ በለድ’ሲ አመሓደርድነኩን የዉ ይና ኣረስ ጎድነ ብራስ ና’ኣርደትልድ መንተልኖ መጋርሕሊ ቪላታት ገፍር ከደምሶሎ ህንበኵ እን ከብተ ህንበ’ብረስ’ሳ ህግደፍ ዶላራትድ ደሽክሊትል ክደቲሉ እንኩቲ፣ እና ኣልማ እሩጝ ፍደዉ ጪዉ ላ’ኳራ እና’ጨገም ኒስ ጉድኖ ጋበዉ ዋስግናኽር ግን፣ እና ሸዓብ ኤርትሪይዉ ና’ብረድ ና’ዋጅብ ኢሲግና’ሰና ን’ሽቕ ኢሰያስዉድ ኣባይሰና ቛልስትኖ ዓመጭስድኖ’ኽር ከትከትስድኖ’ኸር ኩዉስትድኖኽር ሕርየት ጃብ ላኹር ዋላ ነበኺሲ ኒን እንትረለ ዮ ሓሰባዅ እርግላ ንደንቢ’ኽር ኒን ወንተሮ እንትጊንና ሸዓብ ኤርትሪዩዉ ሙርቕድ ጨርናር እስነ እን’ንዋሳ ጋብድ ዋሲስኖሎ ላት ኣኽኖ ለመለም ይንን፣ ወክትሪ ሽማግለ ሆደ ሙርቛ ብሊን እና ንሪ ጉድሮ ህንብራዅ ለመለም እምን ደርብዲ ይና’ሸዓብ ወንቀራስ ዋንስሮ ቀደራዅ ኣኽነዲን ኒ’ዓዉተትል ሸክ ሸኽላ፣ ኒሰና’ኽር ዓመጭስኖ ኣረርሰዉ ሙርቕድ ጨርናር እሰ ህንበዉ ጪዉ ባዘኑ ጪዉ ዓፋሩ ጪዉ ሳሆሩ ጪዉ ጀበሩ ሕበርሳና ለመለም አኽነዲን ይን’ኽር ናዲ አኽኖ ዓዉቲትናዅ’ግራ ይነቱ ሲርኖ ለመለም ይኖ አኽኒ፣ ንድ ሰበትድ ኮዶ ይናሻን ሙርቛ ሳሆ እናዉ ጉድኖ ህንበናዅ ለመለም ደርብል ዓዉቲትድኖ ይና ምራድ በሃር’ግን ይነኩንሎም ዋዳ ጃር ነል ጋእሰትኩም፣ ይናሻን ብሊን ይናሰማዕሲ ዋስኖ ኣራጋ ኣብሽርኩም ይኖ ና’ኵድነስ ተለፎንድ አኽኒ ኢ’መይልድ ከሸርደዉና ጃር ትክሲንተት ይነኩንሎም ይን’ኽር እንተመጡ ኣኽኖ እና ይና ኣባይሲ ኒዕምርሲ ድርጝዲል ቂልስንኹን ይግኒ ለመለም ይኖ ክም ኣክነት ማእኮት ትዉነኩን፣ ደንጎቢል ይን ይኖ ጀረብነዉ ዋነን ብሊና ቑር እንትን ህንብዳናዅልክ እና ሽጛና ይናኹሲ ዋስድኖ እንተ እማኒሰና ይና መጡ ደዉ ይትኖ እንተሙኹር ክም ኣከት አለለይትኖ እንከልነኩን፣ Eritrean hode blin OrganisationP.O.Box 10 11 41KasselGermany ሕሽም እን ፍዳ ኣኸዉድመክተብ ዓዳት’ዲ ኣኽባርዲሩዅወክትሪ ሽማግለ ሆደ ሙርቛ ብሊን 10.12.20
|
|||
Last Updated on Friday, 19 November 2010 09:22 |