ሓይስ አርሀ ሓምድናካ ኣባል ፓርላማ ሲውዲን ኒ እክባ እና ናን ፈራኹ ፍሪር እክቡኹ ድገ ስዊድሊ ሲ መቅርሕሮ ከወል ገመውልድ ዓውቲትሮ ዪና ለብከዲክ ይና ካበነስ ዪ ና ከውድ ሰሚዕድነኩን። ሓይሳን ሻን ሓይስ ኣርሀር እክባ (ውድብ) ስዊድንሊ ኒ እሰው ድግምድ ዋስድኖ ህንብደነኩ፣ እክባ ኒን ጭጉማንድ ደፍኤትዲ ናይ ከዋኹሲ ኤርኣኽዲ ሰላም ብሪል ነገስሮ ለመለም የንቱራ ግን።

ንድኻ አርሀዲ ኒ እክበዲ ዓውቲትሮ ገቢለት ብሊኑኹ ስውዲንሊ መንደርትደናኽር እንታ ካበነስ በቐቅጝድኒን ሞኾኽነኩን። ዓውተ እክባ ሶቻል ዲሞክራቲክ ስዊድኑኹ ናትካ ሰርገል ጝን። እንሻልኻ ሓይስ አርሀ ሚንስተር ኮሊ ስዊድኑኹ ኣኽሮ ጃር ካቢረሉ፣ ዪጝር ተኸትል ሺራኹል ህንብናኽር ዪና ተምኔዲ ዪና ሳህሮዲ ኣኸት አርሀ ንጨርዲት ዪና እክበዲ ዪና ከውዲር ስጝድ ደኩስነኩን።

ንጃብ ብሊናኦርግ ሓስ ኣርሀዲ እስረኹ ወንቐረስ ነበብድትኖ Blina.org ቋላ።

ፋሪዕ እክባ ሙሩቛ ብሊኑኹ /ሆደ ብሊኑኹ/